阮的情思

作詞：張阿郎 作曲：郭可為 編曲：郭可為
演唱：郭可為 錄音混音：郭可為

為著生活為卜出頭天，
無奈家己離開心愛的伊，
孤單來到生份的城市，
阮真搰力用盡心思。

奮鬥拍拚咧揣好時機，
毋佫到暗阮就按呢空虛。
只有月娘予阮寄託情思，
只有天星替阮傷悲。

啊拜託心愛的儂，
啊寄託尊敬的天。
保庇予我會較順利，
保庇予我有出頭天。
我會倒去汝的身邊，
予咱兩儂心[勿會]空虛。

阮的命運怎仔會按呢？
為啥物命運卜來創治？
予阮一對分開兩邊，
予我衫褲無儂通披。

奮鬥拍拚咧揣好時機，
毋佫到暗阮就按呢空虛。
只有月娘予阮寄託情思，
只有天星替阮傷悲。

啊拜託心愛的儂，
啊寄託尊敬的天。
保庇予我有好運氣，
保庇予我有出頭天。
我會倒去汝的身邊，
予咱兩儂糖甘蜜甜。
予咱兩儂糖甘蜜甜。

廣告

Tagged: 閩歌